ਕੀ ਸੁਖਬੀਰ ਦਾ ਪੱਲਾ ਫੜਨਗੇ ਪਰਮਿੰਦਰ ਢੀਂਡਸਾ?
ਚੰਡੀਗੜ੍ਹ ਸ੍ਰੋਮਣੀ ਅਕਾਲੀ ਦਲ 21 ਦਸੰਬਰ ਨੂੰ ਕਾਂਗਰਸ ਸਰਕਰ ਦੀ ਨਾਕਾਮੀਆਂ ਵਿਰੁੱਧ ਪਟਿਆਲਾ ਵਿਚ ਵੱਡੀ ਰੈਲੀ ਕਰਨ ਜਾ ਰਹੀ ਹੈ। ਇਸ ਰੈਲੀ ਵਿਚ ਪਾਰਟੀ ਪ੍ਰਧਾਨ ਸੁਖਬੀਰ ਬਾਦਲ ਸਮੇਤ ਕਈ ਵੱਡੇ ਅਕਾਲੀ ਲੀਡਰ ਪਹੁੰਚ ਰਹੇ ਹਨ ਪਰ ਇਸ ਰੈਲੀ ਤੋਂ ਪਹਿਲਾਂ ਸਵਾਲ ਇਹ ਉੱਠ ਰਿਹਾ ਹੈ ਕਿ ਟਕਸਾਲੀ ਲੀਡਰ ਸੁਖਦੇਵ ਸਿੰਘ ਢੀਡਸਾ ਦੇ ਸਪੁੱਤਰ ਪਰਮਿੰਦਰ ਢੀਡਸਾ ਵੀ ਇਸ ਰੈਲੀ ਵਿਚ ਸ਼ਾਮਲ ਹੋਣਗੇ ਜਾਂ ਨਹੀਂ। ਜੇਕਰ ਪਰਮਿੰਦਰ ਢੀਂਡਸਾ ਇਸ ਰੈਲੀ ਤੋਂ ਲਾਂਬੇ ਰਹਿੰਦੇ ਹਨ ਤਾਂ ਇਹ ਸਾਫ਼ ਹੋ ਜਾਵੇਗਾ ਕਿ ਹੁਣ ਪੂਰਾ ਢੀਂਡਸਾ ਪਰਿਵਾਰ ਹੁਣ ਬਾਦਲਾ ਤੋਂ ਵੱਖ ਕੇ ਆਪਣੇ ਅਲੱਗ ਰਾਹ ਤੁਰ ਪਿਆ ਹੈ।
Photo
ਦਰਅਸਲ ਅਕਾਲੀ ਦਲ ਦੇ ਵੱਡੇ ਲੀਡਰ ਰਹੇ ਸੁਖਦੇਵ ਢੀਂਡਸਾ ਹੁਣ ਟਕਸਾਲੀਆ ਨਾਲ ਜਾ ਰਲੇ ਹਨ ਉਨ੍ਹਾਂ ਨੇ ਅਕਾਲੀ ਦਲ ਦੇ ਪਾਰਟੀ ਪ੍ਰਧਾਨ ਸੁਖਬੀਰ ਬਾਦਲ ਦੇ ਅਸਤੀਫ਼ੇ ਤੱਕ ਦੀ ਵੀ ਮੰਗ ਕਰ ਦਿੱਤੀ ਹੈ। ਉਨ੍ਹਾਂ ਦਾ ਦਾਅਵਾ ਇਹ ਵੀ ਹੈ ਕਿ ਉਸਦਾ ਸਪੁੱਤਰ ਪਰਮਿੰਦਰ ਢੀਂਡਸਾ ਵੀ ਉਨ੍ਹਾਂ ਦੇ ਨਾਲ ਹੈ ਪਰ ਇਸ ਦੇ ਉੱਲਟ ਸੁਖਬੀਰ ਬਾਦਲ ਦਾ ਕਹਿਣਾ ਹੈ ਕਿ ਪਰਮਿੰਦਰ ਢੀਂਡਸਾ ਉਨ੍ਹਾਂ ਦੇ ਨਾਲ ਖੜਿਆ ਹੈ।
file photo
ਪਿਛਲੇ ਦਿਨੀਂ ਜਦੋਂ 14 ਦਸੰਬਰ ਨੂੰ ਅਕਾਲੀ ਦਲ ਬਾਦਲ ਨੇ ਆਪਣਾ 99ਵਾਂ ਸਥਾਪਨਾ ਦਿਵਸ ਮਨਾਇਆ ਸੀ ਤਾਂ ਸੁਖਦੇਵ ਢੀਂਡਸਾ ਤਾਂ ਸਿੱਧੇ ਤੌਰ ਤੇ ਹੀ ਅਕਾਲੀ ਦਲ ਟਕਸਾਲੀਆ ਨਾਲ ਜਾ ਰਲੇ ਸਨ ਪਰ ਉਨ੍ਹਾਂ ਦੇ ਬੇਟੇ ਪਰਮਿੰਦਰ ਢੀਡਸਾ ਸ਼੍ਰੋਮਣੀ ਅਕਾਲੀ ਦਲ ਦੇ ਸਮਾਗਮ ਵਿਚ ਨਜ਼ਰ ਨਹੀਂ ਆਏ ਸਨ ਇਸ 'ਤੇ ਸ਼੍ਰੋਮਣੀ ਅਕਾਲੀ ਦਲ ਨੇ ਕਿਹਾ ਸੀ ਕਿ ਢੀਂਡਸਾ ਕਿਸੇ ਰੁਝੇਵੇ ਕਾਰਨ ਇਸ ਸਮਾਗਮ ਵਿਚ ਨਹੀਂ ਆ ਪਾਏ ਪਰ ਉਹ ਉਨ੍ਹਾਂ ਦੇ ਨਾਲ ਹਨ।
file photo
ਸੁਖਦੇਵ ਢੀਂਡਸਾ ਦੇ ਅਕਾਲੀ ਦਲ ਨਾਲੋਂ ਵੱਖ ਹੋ ਜਾਣ ਤੋਂ ਬਾਅਦ ਹੁਣ ਸੱਭ ਦੀਆਂ ਨਜ਼ਰਾ ਪਰਮਿੰਦਰ ਢੀਂਡਸਾ 'ਤੇ ਹਨ ਖੈਰ ਹੁਣ ਇਹ ਮੰਨਿਆ ਜਾ ਰਿਹਾ ਹੈ ਕਿ ਇਸ ਗੱਲ ਦਾ ਨਿਪਟਾਰਾ 21 ਦਸੰਬਰ ਨੂੰ ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਪਟਿਆਲਾ ਵਿਚ ਕੱਢੀ ਜਾ ਰਹੀ ਰੈਲੀ ਵਿਚ ਹੋ ਜਾਵੇਗਾ।
