ਅਮਰੀਕਾ ਦੇ ਵਿਦੇਸ਼ ਮੰਤਰੀ ਮਾਈਕ ਪੋਮਪਿਉ ਨੇ ਕੋਰੋਨਾ ਵਾਇਰਸ ਮਹਾਮਾਰੀ ਨਾਲ ਨਜਿਠਣ ਨੂੰ ਲੈ ਕੇ ਚੀਨ ਤੋਂ ਸਵਾਲਾਂ ਦੇ ਜਵਾਬ ਅਤੇ ਪਾਰਦਰਸ਼ਿਤਾ ਦੀ ਮੰਗ
ਵਾਸ਼ਿੰਗਟਨ, 15 ਅਪ੍ਰੈਲ : ਅਮਰੀਕਾ ਦੇ ਵਿਦੇਸ਼ ਮੰਤਰੀ ਮਾਈਕ ਪੋਮਪਿਉ ਨੇ ਕੋਰੋਨਾ ਵਾਇਰਸ ਮਹਾਮਾਰੀ ਨਾਲ ਨਜਿਠਣ ਨੂੰ ਲੈ ਕੇ ਚੀਨ ਤੋਂ ਸਵਾਲਾਂ ਦੇ ਜਵਾਬ ਅਤੇ ਪਾਰਦਰਸ਼ਿਤਾ ਦੀ ਮੰਗ ਕਰਦੇ ਹੋਏ ਕਿਹਾ ਕਿ ਚੀਨ ਨੇ ਅਮਰੀਕੀਆਂ ਨੂੰ ਉਸ ਸਮੇਂ ਇਸ ਦੀ ਜਾਣਕਾਰੀ ਨਹੀਂ ਕੀਤੀ ਜਦ ਸ਼ੁਰੂਆਤ 'ਚ ਇਸ ਦੀ ਜ਼ਿਆਦਾ ਜ਼ਰੂਰਤ ਸੀ। ਪੋਮਪਿਉ ਨੇ ਕੋਰੋਨਾ ਵਾਇਰਸ ਨੂੰ ਇਕ ਗਲੋਬਲ ਮਹਾਂਮਾਰੀ ਐਲਾਨ ਕਰਨ 'ਚ ਬਹੁਤ ਲੰਮਾ ਸਮਾਂ ਲੈਣ ਦੇ ਲਈ ਵਿਸ਼ਵ ਸਿਹਤ ਸੰਗਠਨ (ਡਬਲੀਊ.ਐਚ.ਓ) ਦੀ ਵੀ ਅਲੋਚਨਾ ਕੀਤੀ।
File photo
ਵਿਦੇਸ਼ ਮੰਤਰੀ ਨੇ ਫ਼ਾਕਸ ਨਿਊਜ਼ ਨੂੰ ਮੰਗਲਵਾਰ ਨੂੰ ਕਿਹਾ, ''ਚੀਨ ਦੀ ਕਮਿਊਨਿਸਟ ਪਾਰਟੀ ਨੇ ਅਮਰੀਕੀਆਂ ਨੂੰ ਤਦ ਕੋਈ ਪਹੁੰਚ ਪ੍ਰਦਾਨ ਨਹੀਂ ਕੀਤੀ ਜਦ ਸਾਨੂੰ ਸ਼ੁਰੂਆਤ 'ਚ ਇਸ ਦੀ ਬਹੁਤ ਜ਼ਿਆਦਾ ਜ਼ਰੂਰਤ ਸੀ। ਰਾਸ਼ਟਰਪਤੀ ਨੇ ਉਸ ਬਾਰੇ ਅੱਜ ਜਦ ਗੱਲ ਕੀਤੀ ਤਾਂ ਸਾਨੂੰ ਪਤਾ ਚਲਿਆ ਕਿ ਉਨ੍ਹਾਂ ਦੇ ਕੋਲ ਪ੍ਰਯੋਗਸ਼ਾਲਾ ਹੈ। ਅਸੀਂ ਜਾਣਦੇ ਹਾਂ ਕਿ ਵਾਇਰਸ ਵੁਹਾਨ ਤੋਂ ਹੀ ਪੈਦਾ ਹੋਇਆ ਸੀ। ਇਸ ਲਈ ਇਹ ਸਾਰੀਆਂ ਚੀਜ਼ਾਂ ਇਕੱਠੇ ਆਈਆਂ। ਉਨ੍ਹਾਂ ਨੇ ਚੀਨ ਦੇ ਵੁਹਾਨ ਸ਼ਹਿਰ 'ਚ ਗੁਪਤ ਖੋਜ ਲਈ ਇਕ ਪ੍ਰਯੋਗਸ਼ਾਲਾ ਦਾ ਸਪਸ਼ਟ ਤੌਰ 'ਤੇ ਜ਼ਿਕਰ ਕੀਤਾ। ਉਨ੍ਹਾਂ ਕਿਹਾ ਕਿ ਹਾਲੇ ਵੀ ਬਹੁਤ ਕੁੱਝ ਅਜਿਹਾ ਹੈ ਜੋ ਅਮਰੀਕਾ ਨਹੀਂ ਜਾਣਦਾ। ਉਨ੍ਹਾਂ ਕਿਹਾ ਕਿ, ''ਸਾਨੂੰ ਇਨ੍ਹਾਂ ਗੱਲਾ ਦੇ ਜਵਾਬ ਜਾਨਣ ਦੀ ਲੋੜ ਹੈ। ਸਾਡੇ ਇਥੇ ਹਾਲੇ ਵੀ ਵਾਇਰਸ ਮੌਜੂਦ ਹੈ।
