Gautam Gambhir appreciate 'Uri' Movie
ਸਰਜੀਕਲ ਸਟਰਾਈਕ 'ਤੇ ਆਧਾਰਿਤ ਫ਼ਿਲਮ 'ਉੜੀ' ਦਾ ਖੁਮਾਰ ਦੇਸ਼ ਦੀ ਜਨਤਾ 'ਚ ਵਧਦਾ ਹੀ ਜਾ ਰਿਹਾ ਹੈ......
ਨਵੀਂ ਦਿੱਲੀ : ਸਰਜੀਕਲ ਸਟਰਾਈਕ 'ਤੇ ਆਧਾਰਿਤ ਫ਼ਿਲਮ 'ਉੜੀ' ਦਾ ਖੁਮਾਰ ਦੇਸ਼ ਦੀ ਜਨਤਾ 'ਚ ਵਧਦਾ ਹੀ ਜਾ ਰਿਹਾ ਹੈ। ਹਰ ਕੋਈ ਇਸ ਫਿਲਮ ਦੀ ਤਾਰੀਫ 'ਚ ਕਸੀਦੇ ਪੜ੍ਹਦਾ ਨਜ਼ਰ ਆ ਰਿਹਾ ਹੈ। ਉੱਥੇ ਇਸ ਫਿਲਮ ਦਾ ਮਸ਼ਹੂਰ ਡਾਇਲੌਗ ਹਾਊਜ ਦਿ ਜੋਸ਼ ਹਾਈ ਸਰ!, ਤਾਂ ਬੱਚੇ-ਬੱਚੇ ਦੀ ਜ਼ੁਬਾਨ 'ਤੇ ਚੜ੍ਹ ਚੁੱਕਿਆ ਹੈ। ਹੁਣ ਸਾਬਕਾ ਭਾਰਤੀ ਕ੍ਰਿਕਟਰ ਗੌਤਮ ਗੰਭੀਰ 'ਤੇ ਵੀ ਇਸ ਫਿਲਮ ਦਾ ਖੁਮਾਰ ਚੜ੍ਹਦਾ ਨਜ਼ਰ ਆਇਆ ਹੈ।
ਗੌਤਮ ਗੰਭੀਰ ਨੇ ਆਪਣੇ ਅਧਿਕਾਰਕ ਟਵਿਟਰ ਅਕਾਉਂਟ 'ਤੇ ਫਿਲਮ 'ਉੜੀ ਦਿ ਸਰਜੀਕਲ ਸਟਰਾਈਕ ਦਾ ਡਾਇਲੌਗ ਫਰਜ਼ ਅਤੇ ਫਰਜ਼ੀ 'ਚ ਬੱਸ ਇਕ ਮਾਤਰਾ ਦਾ ਫਰਕ ਹੁੰਦਾ ਹੈ ਅਤੇ ਉਹ ਮਾਤਰਾ ਨਹੀਂ ਬਣਨਾ ਚਾਹੁੰਦਾ ਪੋਸਟ ਕੀਤਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਇੰਡੀਅਨ ਆਰਮੀ ਨੂੰ ਸੈਲਿਊਟ ਕੀਤਾ ਅਤੇ ਹੈਸ਼ਟੈਗ ਉੜੀ ਲਿਖਿਆ। ਗੰਭੀਰ ਦੇ ਇਸ ਟਵਿਟ ਨੂੰ ਹੁਣ ਤੱਕ ਕਰੀਬ 10 ਹਜ਼ਾਰ ਲੋਕ ਲਾਈਕ ਕਰ ਚੁੱਕੇ ਹਨ। ਗੌਤਮ ਗੰਭੀਰ ਦੇ 'ਉੜੀ' ਫਿਲਮ ਨੂੰ ਪਸੰਦ ਕਰਨ 'ਤੇ ਫਿਲਮ ਦੇ ਲੀਡ ਐਕਟਰ ਵਿੱਕੀ ਕੌਸ਼ਲ ਨੇ ਉਨ੍ਹਾਂ ਦਾ ਧੰਨਵਾਦ ਕੀਤਾ।
