ਪ੍ਰਧਾਨ ਮੰਤਰੀ ਰਾਨਿਲ ਵਿਕਰਮਸਿੰਘੇ ਨੀਤ ਸਰਕਾਰ ਨੇ ਇਕ ਰਾਸ਼ਟਰੀ ਸਰਕਾਰ ਦਾ ਗਠਨ ਕਰਨ ਲਈ ਸ਼ੁੱਕਰਵਾਰ ਨੂੰ ਸ਼੍ਰੀਲੰਕਾ ਦੀ ਸੰਸਦ ਦੇ ਸਪੀਕਰ ਦੀ ਸਹਿਮਤੀ ਮੰਗੀ ਹੈ.....
ਕੋਲੰਬੋ: ਪ੍ਰਧਾਨ ਮੰਤਰੀ ਰਾਨਿਲ ਵਿਕਰਮਸਿੰਘੇ ਨੀਤ ਸਰਕਾਰ ਨੇ ਇਕ ਰਾਸ਼ਟਰੀ ਸਰਕਾਰ ਦਾ ਗਠਨ ਕਰਨ ਲਈ ਸ਼ੁੱਕਰਵਾਰ ਨੂੰ ਸ਼੍ਰੀਲੰਕਾ ਦੀ ਸੰਸਦ ਦੇ ਸਪੀਕਰ ਦੀ ਸਹਿਮਤੀ ਮੰਗੀ ਹੈ। ਇਸ ਨੂੰ ਦੇਸ਼ ਦੇ 225 ਮੈਂਮਬਰੀ ਸੰਸਦ ਵਿਚ ਬਹੁਮਤ ਹਾਸਲ ਕਰਨ ਦੇ ਕਦਮ ਦੇ ਤੌਰ 'ਤੇ ਵੇਖਿਆ ਜਾ ਰਿਹਾ ਹੈ।
Ranil Wickremesinghe
ਉੱਥੇ ਹੀ ਸੰਸਦ ਦੇ ਨੇਤਾ ਲਕਸ਼ਮਣ ਕਿਰਏਲਾ ਨੇ ਰਾਸ਼ਟਰੀ ਸਰਕਾਰ ਦੇ ਗਠਨ ਲਈ ਇਕ ਪ੍ਰਸਤਾਵ ਸਪੀਕਰ ਕਾਰੂ ਜਿਯਾਸੂਰਿਆ ਦੇ ਦਫ਼ਤਰ ਨੂੰ ਸਪੁਰਦ ਹੈ। ਜ਼ਿਕਰਯੋਗ ਹੈ ਕਿ ਵਿਕਰਮਸਿੰਘੇ ਨੂੰ ਪਿਛਲੇ ਸਾਲ ਅਕਤੂਬਰ ਵਿਚ ਰਾਸ਼ਟਰਪਤੀ ਮੈਤਰੀਪਾਲਾ ਸਿਰਿਸੇਨਾ ਨੇ ਅਹੁਦੇ ਤੋਂ ਬਰਖਾਸਤ ਕਰ ਦਿਤਾ ਸੀ ਅਤੇ ਉਨ੍ਹਾਂ ਦੀ ਥਾਂ ਮਹਿੰਦਾ ਰਾਜਪਕਸ਼ੇ ਨੂੰ ਪ੍ਰਧਾਨ ਮੰਤਰੀ ਨਿਯੁਕਤ ਕਰ ਦਿਤਾ ਸੀ।
Ranil Wickremesinghe
ਸੰਸਦ ਵਿਚ ਦੋ ਵਾਰ ਰਾਜਪਕਸ਼ੇ ਦੇ ਬਹੁਮਤ ਸਾਬਤ ਨਹੀਂ ਕਰ ਪਾਉਣ 'ਤੇ ਸਿਰਿਸੇਨਾ ਉਨ੍ਹਾਂ ਨੂੰ (ਵਿਕਰਮਸਿੰਘੇ ਨੂੰ) ਪ੍ਰਧਾਨ ਮੰਤਰੀ ਅਹੁਦੇ 'ਤੇ ਫਿਰ ਤੋਂ ਨਿਯੁਕਤ ਕਰਨ ਨੂੰ ਮਜਬੂਰ ਹੋਏ। ਉਥੇ ਹੀ, ਰਾਜਪਕਸ਼ੇ ਨੀਤ ਵਿਰੋਧੀ ਪੱਖ ਦੇਸ਼ ਵਿਚ ਨਵੇਂ ਸਿਰੇ ਤੋਂ ਚੋਣਾਂ ਕਰਾਉਣ ਦੀ ਮੰਗ ਕਰ ਰਿਹਾ ਹੈ। ਹਾਲਾਂਕਿ ਚੋਣ ਅਗਸਤ 2020 ਵਿਚ ਹੋਣ ਦਾ ਪਰੋਗਰਾਮ ਪਹਿਲਾਂ ਤੋਂ ਤੈਅ ਹੈ।
