ਟਰੰਪ ਅਗਲੇ ਹਫਤੇ ਕਿਸੇ ਵੀ ਵੇਲ੍ਹੇ ਆਈਐਸਆਈਐਸ ਨੂੰ ਉਸ ਦੇ ਕਬਜ਼ੇ ਵਾਲੇ ਖੇਤਰਾਂ ਤੋਂ 100 ਫ਼ੀ ਸਦੀ ਤੱਕ ਖਤਮ ਕਰਨ ਦਾ ਰਸਮੀ ਐਲਾਨ ਕਰਨਗੇ।
ਵਾਸ਼ਿੰਗਟਨ : ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਕਿ ਅਤਿਵਾਦੀ ਸੰਗਠਨ ਆਈਐਸਆਈਐਸ ਦਾ ਖਾਤਮਾ ਕਰ ਦਿਤਾ ਗਿਆ ਹੈ। ਉਹਨਾਂ ਕਿਹਾ ਕਿ ਸੰਭਾਵਤ ਤੌਰ 'ਤੇ ਉਹ ਅਗਲੇ ਹਫਤੇ ਕਿਸੇ ਵੀ ਵੇਲ੍ਹੇ ਆਈਐਸਆਈਐਸ ਨੂੰ ਉਸ ਦੇ ਕਬਜ਼ੇ ਵਾਲੇ ਖੇਤਰਾਂ ਤੋਂ 100 ਫ਼ੀ ਸਦੀ ਤੱਕ ਖਤਮ ਕਰਨ ਦਾ ਰਸਮੀ ਐਲਾਨ ਕਰਨਗੇ।
ISIS
ਟਰੰਪ ਨੇ ਕਿਹਾ ਕਿ ਅਮਰੀਕੀ ਫ਼ੌਜ ਉਸ ਦੇ ਗਠਜੋੜ ਸਹਿਯੋਗੀ ਅਤੇ ਸੀਰੀਅਨ ਡੈਮੋਕ੍ਰੈਟਿਕ ਫੋਰਸਾਂ ਨੇ ਸੀਰੀਆ ਅਤੇ ਇਰਾਕ ਵਿਚ ਪਹਿਲਾਂ ਆਈਐਸਆਈਐਸ ਦੇ ਕਬਜ਼ੇ ਵਿਚ ਰਹੇ ਪੂਰੇ ਖੇਤਰ ਨੂੰ ਲਗਭਗ ਅਜ਼ਾਦ ਕਰਵਾ ਲਿਆ ਗਿਆ ਹੈ। ਟਰੰਪ ਨੇ ਇਕ ਪ੍ਰੋਗਰਾਮ ਦੌਰਾਨ ਸੰਬੋਧਨ ਵਿਚ ਕਿਹਾ ਹੈ ਕਿ ਸੰਭਾਵਤ ਤੌਰ 'ਤੇ ਅਗਲੇ ਹਫਤੇ ਇਹ ਐਲਾਨ ਕੀਤਾ ਜਾਵੇਗਾ ਕਿ ਅਸੀਂ
ISIS
ਆਈਐਸਆਈਐਸ ਦੇ ਖੇਤਰ 'ਤੇ 100 ਫੀਸਦੀ ਤੱਕ ਕਾਬੂ ਕਰ ਲਿਆ ਹੈ ਪਰ ਮੈਂ ਅਧਿਕਾਰਕ ਬਿਆਨ ਦੀ ਉਡੀਕ ਕਰਨਾ ਚਾਹੁੰਦਾ ਹਾਂ। ਮੈਂ ਜਲਦਬਾਜ਼ੀ ਨਹੀਂ ਕਰਨਾ ਚਾਹੁੰਦਾ। ਉਹਨਾਂ ਕਿਹਾ ਕਿ ਉਹਨਾਂ ਦੇ ਪ੍ਰਸ਼ਾਸਨ ਦੇ ਇਸ ਨਵੇਂ ਰਵੱਈਏ ਕਾਰਨ ਮੈਦਾਨ 'ਤੇ ਅਮਰੀਕੀ ਕਮਾਂਡਰ ਅਤੇ ਗਠਜੋੜ ਦੇ ਸਹਿਯੋਗੀ ਹੋਰ ਮਜ਼ਬੂਤ ਹੋਏ ਅਤੇ ਉਹਨਾਂ ਨੇ ਸਿੱਧੇ ਆਈਐਸਆਈਐਸ ਦੀ ਜ਼ਾਲਮ ਵਿਚਾਰਧਾਰਾ ਦਾ ਸਾਹਮਣਾ ਕੀਤਾ।
USA
ਉਹਨਾਂ ਨੇ ਦੱਸਿਆ ਕਿ ਪਿਛਲੇ ਦੋ ਸਾਲਾਂ ਵਿਚ ਅਮਰੀਕਾ ਅਤੇ ਉਸ ਦੇ ਸਹਿਯੋਗੀਆਂ ਨੇ 20,000 ਵਰਗਮੀਲ ਤੋਂ ਵੱਧ ਜ਼ਮੀਨ 'ਤੇ ਫਿਰ ਤੋਂ ਕਬਜ਼ਾ ਕੀਤਾ ਹੈ। ਅਮਰੀਕੀ ਰਾਸ਼ਟਰਪਤੀ ਨੇ ਕਿਹਾ ਕਿ ਅਸੀਂ ਯੁੱਧ ਦਾ ਮੈਦਾਨ ਜਿੱਤਿਆ ਅਤੇ ਉਸ ਤੋਂ ਬਾਅਦ ਜਿੱਤਦੇ ਚਲੇ ਗਏ ਅਤੇ ਮੋਸੁਲ ਅਤੇ ਰੱਕਾ ਦੋਹਾਂ ਨੂੰ ਅਪਣੇ ਕਬਜ਼ੇ ਵਿਚ ਲੈ ਲਿਆ।
