Phil Twyford
ਦੇਸ਼ ਭਾਵੇਂ ਕੋਈ ਵੀ ਹੋਵੇ ਕਾਨੂੰਨ ਦੀ ਪਾਲਣਾ ਕਰਨੀ ਹਰ ਇਕ ਦਾ ਫ਼ਰਜ਼ ਹੈ, ਚਾਹੇ ਉਹ ਆਮ ਆਦਮੀ ਹੋਵੇ ਜਾਂ ਫਿਰ ਮੰਤਰੀ.............
ਆਕਲੈਂਡ : ਦੇਸ਼ ਭਾਵੇਂ ਕੋਈ ਵੀ ਹੋਵੇ ਕਾਨੂੰਨ ਦੀ ਪਾਲਣਾ ਕਰਨੀ ਹਰ ਇਕ ਦਾ ਫ਼ਰਜ਼ ਹੈ, ਚਾਹੇ ਉਹ ਆਮ ਆਦਮੀ ਹੋਵੇ ਜਾਂ ਫਿਰ ਮੰਤਰੀ। ਨਿਊਜ਼ੀਲੈਂਡ ਦੇ ਆਵਾਜਾਈ ਮੰਤਰੀ ਨੂੰ ਵੀ ਇਸ ਦਾ ਪ੍ਰਤੱਖ ਪ੍ਰਮਾਣ ਉਦੋਂ ਮਿਲਿਆ ਜਦੋਂ ਉਹ ਇਕ ਉਡਾਨ ਦੌਰਾਨ ਜਹਾਜ਼ ਦੇ ਤੁਰਨ ਵੇਲੇ ਕੀਤੀ ਜਾ ਰਹੀ ਤਿਆਰੀ ਦੌਰਾਨ ਫ਼ੋਨ ਕਰਨ ਲੱਗ ਪਏ। ਉਸ ਵੇਲੇ ਜਹਾਜ਼ ਨੇ ਭਾਵੇਂ ਉਡਾਨ ਨਹੀਂ ਭਰੀ ਸੀ, ਪਰ ਮੋਬਾਈਲ ਬੰਦ ਕਰਨ ਦਾ ਆਦੇਸ਼ ਜਾਰੀ ਹੋ ਚੁੱਕਾ ਸੀ।
ਕਾਨੂੰਨ ਦੀ ਉਲੰਘਣਾ ਦੇ ਦੋਸ਼ ਵਿਚ ਜਿਥੇ ਦੇਸ਼ ਦੇ ਆਵਾਜ਼ਾਈ ਮੰਤਰੀ ਫਿਲ ਟਾਈਫੋਰਡ ਨੂੰ ਪ੍ਰਧਾਨ ਮੰਤਰੀ ਸਾਹਮਣੇ ਨੀਵਾਂ ਹੋਣਾ ਪਿਆ ਉਥੇ ਉਸ ਨੂੰ ਅਪਣੇ ਅਸਤੀਫ਼ੇ ਦੀ ਪੇਸਕਸ਼ ਤਕ ਕਰਨੀ ਪਈ। ਇਹ ਅਸਤੀਫ਼ਾ ਭਾਵੇਂ ਮਨਜੂਰ ਨਹੀਂ ਕੀਤਾ ਗਿਆ ਸੀ। ਪਰ ਹੁਣ ਇਸ ਮੰਤਰੀ ਸਾਹਿਬ ਨੂੰ 500 ਡਾਲਰ ਦਾ ਜੁਰਮਾਨਾ ਭਰਨਾ ਪਿਆ ਹੈ। ਸੋ ਇਨ੍ਹਾਂ ਮੁਲਕਾਂ 'ਚ ਕਾਨੂੰਨ ਸਭ ਲਈ ਇਕੋ ਜਿਹਾ ਲਾਗੂ ਹੁੰਦਾ ਹੈ।
