ਜ਼ਖ਼ਮੀਆਂ ਦਾ ਹਸਪਤਾਲ 'ਚ ਇਲਾਜ ਚੱਲ ਰਿਹਾ ਹੈ
ਹਿਮਾਚਲ: ਕੁੱਲੂ ਜ਼ਿਲੇ ਦੇ ਭੁੰਤਰ-ਨਰੋਗੀ ਰੋਡ 'ਤੇ ਤ੍ਰੇਹਨ ਨੇੜੇ ਬੀਤੇ ਦਿਨ ਬੁੱਧਵਾਰ ਨੂੰ ਐਚਪੀ 66 - 1730 ਦੀ ਇੱਕ ਐਚਆਰਟੀਸੀ ਬੱਸ 300 ਮੀਟਰ ਹੇਠਾਂ ਬਸ਼ੋਨਾ ਡਰੇਨ ਵਿਚ ਡਿੱਗ ਗਈ। ਸ਼ਾਮ ਸਾਢੇ ਪੰਜ ਵਜੇ ਨਰੋਗੀ ਤੋਂ ਭੁੰਤਰ ਵਾਪਸ ਆ ਰਹੀ ਬੱਸ ਖਾਈ ਵਿਚ ਡਿੱਗ ਗਈ।
ਬੱਸ ਡਿੱਗਣ ਤੋਂ ਬਾਅਦ ਇੱਥੇ ਹਾਹਾਕਾਰ ਮੱਚ ਗਈ। ਇਸ ਹਾਦਸੇ 'ਚ 2 ਲੋਕਾਂ ਦੀ ਮੌਤ ਹੋ ਗਈ ਅਤੇ 6 ਜ਼ਖ਼ਮੀ ਹੋ ਗਏ। ਐਚਆਰਟੀਸੀ ਬੱਸ ਨਰੋਗੀ ਵਿਖੇ ਸਵਾਰੀਆਂ ਨੂੰ ਉਤਾਰ ਕੇ ਵਾਪਸ ਆ ਰਹੀ ਸੀ ਤਾਂ ਇਸ ਹਾਦਸੇ ਦੀ ਲਪੇਟ ਵਿਚ ਕੁਝ ਲੋਕ ਹੀ ਆ ਗਏ। ਸ਼ਾਮ 4:15 ਵਜੇ ਭੁੰਤਰ ਤੋਂ ਰਵਾਨਾ ਹੋਈ ਐਚਆਰਟੀਸੀ ਬੱਸ ਪਹਿਲਾਂ ਨਰੋਗੀ ਪਹੁੰਚੀ। ਜਦੋਂ ਇਹ ਵਾਪਸ ਆ ਰਹੀ ਸੀ ਤਾਂ ਕੁਤਲੂ ਰੁੜ ਨਾਮਕ ਸਥਾਨ 'ਤੇ ਮੋੜ 'ਤੇ ਇਹ ਬੇਕਾਬੂ ਹੋ ਗਈ। ਇਸ ਤੋਂ ਪਹਿਲਾਂ ਕਿ ਡਰਾਈਵਰ ਬੱਸ ਨੂੰ ਸੰਭਾਲਦਾ, ਇਹ ਹੇਠਾਂ ਡਿੱਗ ਗਈ। ਹਾਦਸੇ ਦਾ ਪਤਾ ਲੱਗਦਿਆਂ ਹੀ ਆਸਪਾਸ ਦੇ ਪਿੰਡ ਦੇ ਲੋਕ ਮੌਕੇ 'ਤੇ ਪਹੁੰਚੇ ਅਤੇ ਜ਼ਖਮੀਆਂ ਨੂੰ ਬੱਸ 'ਚੋਂ ਬਾਹਰ ਕੱਢਿਆ।
ਕੁੱਲੂ 'ਚ ਹੋਏ ਸੜਕ ਹਾਦਸੇ 'ਚ ਜ਼ਖਮੀਆਂ ਦਾ ਇਲਾਜ ਖੇਤਰੀ ਹਸਪਤਾਲ 'ਚ ਚੱਲ ਰਿਹਾ ਹੈ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਸੀਪੀਐਸ ਸੁੰਦਰ ਠਾਕੁਰ ਖੇਤਰੀ ਹਸਪਤਾਲ ਪੁੱਜੇ। ਹਾਦਸੇ 'ਚ 2 ਲੋਕਾਂ ਦੇ ਮੌਤ ਅਤੇ 6 ਦੇ ਜ਼ਖ਼ਮੀ ਹੋਣ ਦੀ ਅਧਿਕਾਰਤ ਪੁਸ਼ਟੀ ਕੀਤੀ ਗਈ ਹੈ। ਜ਼ਖ਼ਮੀਆਂ ਦਾ ਹਸਪਤਾਲ 'ਚ ਇਲਾਜ ਚੱਲ ਰਿਹਾ ਹੈ।
