ਪ੍ਰੋ ਕਬੱਡੀ ਲੀਗ ਦੇ ਸੱਤਵੇਂ ਸੀਜ਼ਨ ਦਾ 75ਵਾਂ ਮੈਚ ਬਹੁਤ ਹੀ ਰੋਮਾਂਚਕ ਰਿਹਾ।
ਨਵੀਂ ਦਿੱਲੀ: ਪ੍ਰੋ ਕਬੱਡੀ ਲੀਗ ਦੇ ਸੱਤਵੇਂ ਸੀਜ਼ਨ ਦਾ 75ਵਾਂ ਮੈਚ ਬਹੁਤ ਹੀ ਰੋਮਾਂਚਕ ਰਿਹਾ। ਪੁਣੇਰੀ ਪਲਟਨ ਅਤੇ ਯੂ-ਮੁੰਬਾ ਵਿਚ ਹੋਏ ਇਸ ਮੁਕਾਬਲੇ ਦਾ ਅੰਤ ਡਰਾਅ ਨਾਲ ਹੋਇਆ। ਪਹਿਲੀ ਪਾਰੀ ਵਿਚ ਯੂ-ਮੁੰਬਾ ਨੇ ਲੀਡ ਬਣਾ ਲਈ ਸੀ ਪਰ ਦੂਜੀ ਪਾਰੀ ਵਿਚ ਪੁਣੇਰੀ ਪਲਟਨ ਨੇ ਸ਼ਾਨਦਾਰ ਪ੍ਰਦਰਸ਼ਨ ਦਿਖਾਇਆ ਅਤੇ ਮੈਚ ਟਾਈ ਹੋ ਗਿਆ। ਇਹ ਮੁਕਾਬਲਾ 33-33 ‘ਤੇ ਆ ਕੇ ਸਮਾਪਤ ਹੋਇਆ।
ਯੂ-ਮੁੰਬਾ ਲਈ ਅਭਿਸ਼ੇਕ ਸਿੰਘ ਨੇ ਇਸ ਸੀਜ਼ਨ ਦਾ ਅਪਣਾ ਤੀਜਾ ਸੁਪਰ-10 ਪੂਰਾ ਕੀਤਾ। ਪਹਿਲੀ ਪਾਰੀ ਦਾ ਖੇਲ ਖਤਮ ਹੋਣ ਤੱਕ ਮੁੰਬਾ ਨੇ ਪੁਣੇਰੀ ‘ਤੇ 4 ਅੰਕਾਂ ਦਾ ਵਾਧਾ ਬਣਾ ਲਿਆ ਸੀ। ਮੈਚ ਦੇ 9ਵੇਂ ਮਿੰਟ ਦੌਰਾਨ ਵੀ ਪੁਣੇਰੀ ਪਲਟਨ ਦੀ ਟੀਮ ਆਲ ਆਊਟ ਹੋ ਗਈ। ਪੁਣੇਰੀ ਦੇ ਮੈਨ ਰੇਡਰ ਨਿਤਿਨ ਤੌਮਰ ਸ਼ੁਰੂ ਤੋਂ ਹੀ ਮੁੰਬਾ ਦੇ ਖਿਡਾਰੀਆਂ ਸਾਹਮਣੇ ਫਸਦੇ ਨਜ਼ਰ ਆਏ।
ਪੁਣੇਰੀ ਪਲਟਨ ਨੇ ਦੂਜੀ ਪਾਰੀ ਵਿਚ ਮੁੰਬਾ ਨੂੰ ਆਲ ਆਊਟ ਕਰ ਮੈਚ ਵਿਚ ਵਾਪਸੀ ਕੀਤੀ। ਇਸ ਦੇ ਨਾਲ ਹੀ ਦੋਵੇਂ ਟੀਮਾਂ ਦੇ ਪੁਆਇੰਟ 20-20 ਦੀ ਬਰਾਬਰੀ ‘ਤੇ ਆ ਗਏ। ਮਨਜੀਤ ਨੇ ਮੈਚ ਦੇ 32ਵੇਂ ਮਿੰਟ ਵਿਚ ਸੁਪਰ ਰੇਡ ਕਰ ਕੇ ਪੁਣੇਰੀ ਪਲਟਨ ਨੂੰ ਪਹਿਲੀ ਵਾਰ ਲੀਡ ਵਿਚ ਲਿਆਉਣ ਦਾ ਕੰਮ ਕੀਤਾ। ਯੂ-ਮੁੰਬਾ ਮੈਚ ਖਤਮ ਹੋਣ ਤੋਂ 5 ਮਿੰਟ ਪਹਿਲਾਂ ਦੂਜੀ ਵਾਰ ਆਲ ਆਊਟ ਹੋ ਗਈ।
Sports ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ