ਕਾਂਗਰਸ ਆਗੂ ਨੇ ਇਕ-ਇਕ ਕਰ ਕੇ ਗਿਣਾਏ 9 ਝੂਠ

ਨਵੀਂ ਦਿੱਲੀ : ਕਾਂਗਰਸ ਦੇ ਸੀਨੀਅਰ ਆਗੂ ਕਪਿਲ ਸਿੱਬਲ ਨੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੇ ਬਿਆਨ 'ਤੇ ਪਲਟਵਾਰ ਕਰਦਿਆਂ ਕਿਹਾ ਕਿ ਉਹ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਸ਼ਾਹ ਨੂੰ ਸੋਧੇ ਹੋਏ ਨਾਗਰਿਕਤਾ ਕਾਨੂੰਨ ਬਾਰੇ ਬਹਿਸ ਦੀ ਚੁਨੌਤੀ ਦਿੰਦੇ ਹਨ। ਜ਼ਿਕਰਯੋਗ ਹੈ ਕਿ ਸ਼ਾਹ ਨੇ ਲਖਨਊ ਵਿਚ ਰੈਲੀ ਦੌਰਾਨ ਕਿਹਾ ਸੀ ਕਿ ਉਹ ਰਾਹੁਲ ਗਾਂਧੀ, ਅਖਿਲੇਸ਼ ਯਾਦਵ, ਮਮਤਾ ਬੈਨਰਜੀ ਅਤੇ ਮਾਇਆਵਤੀ ਨੂੰ ਬਹਿਸ ਦੀ ਚੁਨੌਤੀ ਦਿੰਦੇ ਹਨ।

Photo

ਸਿੱਬਲ ਨੇ ਮੋਦੀ, ਸ਼ਾਹ ਵਿਰੁਧ ਸੀਏਏ, ਐਨਆਰਸੀ ਅਤੇ ਐਨਪੀਆਰ ਦੇ ਸਬੰਧ ਵਿਚ ਨੌਂ ਝੂਠ ਬੋਲਣ ਦਾ ਦੋਸ਼ ਲਾਇਆ ਅਤੇ ਸਵਾਲ ਕੀਤਾ ਕਿ ਦੇਸ਼ ਦੀ ਜਨਤਾ ਉਨ੍ਹਾਂ 'ਤੇ ਕਿਵੇਂ ਵਿਸ਼ਵਾਸ ਕਰੇਗੀ? ਉਨ੍ਹਾਂ ਪੱਤਰਕਾਰਾਂ ਨੂੰ ਕਿਹਾ, 'ਗ੍ਰਹਿ ਮੰਤਰੀ ਨੇ ਕਿਹਾ ਕਿ ਰਾਹੁਲ ਜੀ ਅਤੇ ਅਖਿਲੇਸ਼ ਜੀ ਉਸ ਨਾਲ ਬਹਿਸ ਕਰਨ। ਮੈਂ ਚੁਨੌਤੀ ਦਿੰਦਾ ਹਾਂ ਕਿ ਪ੍ਰਧਾਨ ਮੰਤਰੀ ਅਤੇ ਗ੍ਰਹਿ ਮੰਤਰੀ ਮੇਰੇ ਨਾਲ ਬਹਿਸ ਕਰਨ। ਸਮੇਂ ਅਤੇ ਜਗ੍ਹਾ ਦੀ ਚੋਣ ਉਹ ਕਰ ਸਕਦੇ ਹਨ।'

Photo

ਉਨ੍ਹਾਂ ਕਿਹਾ, 'ਪਹਿਲਾ ਝੂਠ ਇਹ ਕਿ ਇਹ ਕਾਨੂੰਨ ਭੇਦਭਾਵਪੂਰਨ ਨਹੀਂ। ਲਗਦਾ ਹੈ ਕਿ ਇਨ੍ਹਾਂ ਨੇ ਨਾਗਰਿਕਤਾ ਕਾਨੂੰਨ ਪੜ੍ਹਿਆ ਨਹੀਂ। ਪਹਿਲੀ ਵਾਰ ਸਾਡੇ ਦੇਸ਼ ਵਿਚ ਨਾਗਰਿਕਤਾ ਧਰਮ ਦੇ ਆਧਾਰ 'ਤੇ ਦਿਤੀ ਜਾ ਰਹੀ ਹੈ।' ਉਨ੍ਹਾਂ ਕਿਹਾ, 'ਦੂਜਾ ਝੂਠ ਹੈ ਕਿ ਸੀਏਏ ਦਾ ਐਨਆਰਸੀ ਨਾਲ ਕੋਈ ਲੈਣਾ ਦੇਣਾ ਨਹੀਂ ਜਦਕਿ ਅਮਿਤ ਸ਼ਾਹ ਨੇ ਕਿਹਾ ਕਿ ਪਹਿਲਾਂ ਇਹ ਕਾਨੂੰਨ ਆਵੇਗਾ ਅਤੇ ਫਿਰ ਐਨਆਰਸੀ ਆਵੇਗਾ।

Photo

ਤੀਜਾ ਝੂਠ ਹੈ ਕਿ ਮੋਦੀ ਨੇ ਕਿਹਾ ਕਿ ਐਨਆਰਸੀ ਬਾਰੇ ਕਦੇ ਚਰਚਾ ਨਹੀਂ ਹੋਈ ਜਦਕਿ ਰਾਸ਼ਟਰਪਤੀ ਨੇ ਅਪਣੇ ਭਾਸ਼ਨ ਵਿਚ ਕਿਹਾ ਸੀ ਕਿ ਐਨਆਰਸੀ ਲਾਗੂ ਕੀਤਾ ਜਾਵੇਗਾ। ਚੌਥਾ ਝੂਠ ਹੈ ਕਿ ਐਨਆਰਸੀ ਕਵਾਇਦ ਗ਼ਲਤ ਨਹੀਂ ਜਦਕਿ ਇਹ ਪ੍ਰਾਵਧਾਨ ਪਹਿਲਾਂ ਹੀ 2003 ਦੇ ਕਾਨੂੰਨ ਵਿਚ ਹੈ।'

Photo

ਉਨ੍ਹਾਂ ਕਿਹਾ, 'ਪੰਜਵਾਂ ਝੂਠ ਇਹ ਹੈ ਕਿ ਐਨਆਰਸੀ ਦੀ ਕਵਾਇਦ ਸ਼ੁਰੂ ਨਹੀਂ ਹੋਈ ਜਦਕਿ ਸਰਕਾਰ ਨੇ ਪਿਛਲੇ ਸਾਲ ਕਿਹਾ ਸੀ ਕਿ ਐਨਪੀਆਰ ਤਹਿਤ ਡੇਟਾ ਇਕੱਠਾ ਕੀਤਾ ਜਾਵੇਗਾ।

Photo

ਛੇਵਾਂ ਝੂਠ ਇਹ ਹੈ ਕਿ ਐਨਪੀਆਰ ਦਾ ਐਨਆਰਸੀ ਨਾਲ ਕੋਈ ਸਬੰਧ ਨਹੀਂ ਜਦਕਿ ਗ੍ਰਹਿ ਮੰਤਰਾਲੇ ਦੀ ਰੀਪੋਰਟ ਵਿਚ ਕਿਹਾ ਗਿਆ ਹੈ ਕਿ ਐਨਪੀਆਰ ਐਨਆਰਸੀ ਦਾ ਪਹਿਲਾ ਕਦਮ ਹੈ।'

Photo

ਕਾਂਗਰਸ ਆਗੂ ਨੇ ਕਿਹਾ, 'ਸਤਵਾਂ ਝੂਠ ਇਹ ਹੈ ਕਿ ਭਾਰਤੀਆਂ ਨੂੰ ਡਰਨ ਦੀ ਲੋੜ ਨਹੀਂ। ਗ਼ਰੀਬ ਅਪਣੀ ਨਾਗਰਿਕਤਾ ਕਿਵੇਂ ਸਾਬਤ ਕਰਨਗੇ ਕਿਉਂਕਿ ਉਨ੍ਹਾਂ ਕੋਲ ਕਾਗ਼ਜ਼ ਹੀ ਨਹੀਂ।

Photo

ਅਠਵਾਂ ਝੂਠ ਇਹ ਹੈ ਕਿ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਕੋਈ ਨਜ਼ਰਬੰਦੀ ਕੇਂਦਰ ਨਹੀਂ ਜਦਕਿ ਛੇ ਨਜ਼ਰਬੰਦੀ ਕੇਂਦਰ ਚੱਲ ਰਹੇ ਹਨ। ਨੌਵਾਂ ਝੂਠ ਇਹ ਹੈ ਕਿ ਪ੍ਰਦਰਸ਼ਨਕਾਰੀਆਂ 'ਤੇ ਲਾਠੀਚਾਰਜ ਨਹੀਂ ਕੀਤਾ ਜਦਕਿ ਯੂਪੀ ਵਿਚ 28 ਲੋਕ ਮਾਰੇ ਗਏ ਹਨ।'